“അങ്കുഷ്” എന്ന ആനത്തോട്ടി സർക്കാർ വർഷങ്ങൾക്കു മുൻപേ തന്നെ നിരോധിച്ചിട്ടുണ്ടെങ്കിലും, കൽപ്പാത്തിയിൽ ഓരോ ആനക്കും രണ്ടു തോട്ടി വീതം പാപ്പാന്മാർ ഉപയോഗിച്ചിരുന്നു. ലോഹച്ചുറ്റുള്ള വടി നിരോധിച്ചിട്ടുണ്ടെങ്കിലും പകരം കൂർത്ത മുനകളുള്ള പുതിയതരം വടി പാപ്പാന്മാർ ഉപയോഗിച്ചാണ് ആനയെ പത്തു ടണ്ണിലധികം വരുന്ന രഥം തള്ളിച്ചത് . പാപ്പാനെ ഉപദ്രവിച്ചു ശീലമുള്ള ഒരു ആനയെ ഉപയോഗിച്ചതായും  അറിയുന്നു. ആനയുടെ വാലിൽ കണ്ട വ്രണത്തിലും അന്വേഷണം ആവശ്യപ്പെട്ടു. ആനക്ക് മുകളിൽ ആനക്കൊമ്പുകൊണ്ടുള്ള സ്വർണ്ണ  ലോക്കറ്റ് ഉപയോഗിച്ച പാപ്പനെക്കുറിച്ച് അന്വേഷിക്കാനും കത്തിൽ ആവശ്യപ്പെട്ടിട്ടുണ്ട്.

ഇതെല്ലാം നടന്നത് പോലീസിൻറെ അകമ്പടിയോടെയായിരുന്നു. ജില്ലാ ഭരണകൂടവും ഇക്കാര്യങ്ങളിൽ മൗനം പാലിക്കുകയാണ്. ഏറ്റവും കൂടുതൽ ജനങ്ങൾ പങ്കെടുക്കുന്ന ഈ ഉത്സവത്തിൽ മതിയായ സുരക്ഷാ ക്രമീകരണങ്ങൾ ഒരുക്കാൻ പറ്റാത്ത തെരുവുകളിൽ അപകടം ആപത്തുകൾ പിണയാത്തത് ഭാഗ്യം കൊണ്ടു മാത്രമാണ്.

കൽപ്പാത്തിയിൽ നടന്ന നിയമവിരുദ്ധ പ്രവർത്തനങ്ങളിൽ നടപടി എടുക്കാത്തപക്ഷം തുടർന്നുള്ള ഉത്സവങ്ങളിൽ നിരോധിച്ച ആയുധങ്ങൾ ഉപയോഗിക്കുന്ന സാഹചര്യം ഉണ്ടാവുകയും അത് മനുഷ്യ ജീവനും സ്വത്തിനും വൻ നഷ്ടങ്ങൾ ഉണ്ടാവാനുള്ള സാഹചര്യവും വനം വകുപ്പിനയച്ച കത്തിൽ ചൂണ്ടിക്കായിട്ടുണ്ട്.